Évangéliser les aréopages modernes.

Accueil » Parole de Dieu (en Kirundi) » Fêtes & Solennités » UMUSI MUKURU W’ISAKRAMENTU RYERANDA (Umwaka C)

UMUSI MUKURU W’ISAKRAMENTU RYERANDA (Umwaka C)

AU FIL DU TEMPS (Articles publiés)


IGISOMWA CA MBERE

Ivyo dusoma mu gitabu c’Amamuko (14, 18-20)

Melkisedeki yashikaniye Imana umukate n’umuvinyuCorpus Domini

Mu gihe Ibrahimu yava kurwanya ba bami bane, Melkisedeki, umwami wa Shalemi, yazanye umukate n’umuvinyu, abishikanira Imana, kuko yari umusaserdoti w’Imana idasumbwa. Mu gukeza Ibrahimu, Melkisedekki yavuze ati : “Abrami, uragahezagirwa n’Imana idasumbwa, yo yaremye ijuru n’isi. Imana yaguhaye gutsinda abansi na yo nyene iragahezagirwa.” Niho rero Ibrahimu yaca aha Melkisedeki imperezwa mu vyo yatabarukanye.

IZABURI 109 (110), 1.2.3.4

Icit: Uzokwama uri umusaserdoti w’intahava, nk’umwami Melkisedeki.

Umukama yabariye Umukama wanje, ati :
“Niwicare iburyo bwanje,
gushika aho nzogira abansi bawe irambirizo.”

Uwuhangamye muri Siyoni
Azokwiza ubwami bwawe :
ganza no ku bansi bawe.

Wavukanye ingoma ku misozi myeranda,
umutwenzi utarakika narakwibarutse.
Umukama yarabiraganye kandi ntazokwisubirako,
ati : “Uzokwama uri Umusaserdoti w’intanyiganyiga,
nk’umwami Melkisedeki.”

IGISOMWA CA KABIRI

Ivyo dusoma mw’ibaruwa rya mbere Umutumwa Paulo yandikiye Abakorenti (11, 23-26)

Igihe cose uzofungura uwo mukate mukanywa ico gikombe, muzomenyesha urupfu rw’Umukama

Ncuti zanje,
Jewe Paulo narashikirijwe n’Umukama ico nabashikirije namwe: Umukama wacu, muri rya joro yafatwa, yakiriye umukate, amaze gukenguruka, arawumanyura, yongera avuga ati : « Iki ni umubiri wanje uza gutangwa kubwanyu. Ivyo murabigire munyibuka. »

Bamaze gufungura, afata igikombe, avuga ati : « Iki gikombe ni Isezerano rishasha ry’amaraso yanje. Igihe cose muzokinywa, murabigire munyibuka. »

Koko ni ivy’ukuri, igihe cose muba muriko murafungura uwo mukate, mukanywa ico gikombe, muba muriko muramenyesha urupfu rw’Umukama gushika aho azogarukira.

URURIRIMBO RUKURIKIRA

Bakoresha urwo ruririmbo babonye bibereye, bakarukoresha rwose canke bagatangurira kuri aya majambo : « Ng’uwo umukate w’abamarayika ».

1. Siyoni we, shimagiza Umukiza wawe,
Shimagiza Umuyobozi n’Umwungere wawe,
Umuririmbire, umuvyinire.3. Icatuzindukanye uyu musi
Uwo dushaka kuririmbira,
Ni wa mukate muzima kandi utanga ubuzima.5. Aho rero, impundu n’isamirane,
inzamba nizasirane,
twuzure agahimbare.

7. Kuri ayo meza y’Umwami mushasha,
ni ho Pasika y’Isezerano rishasha
yasubirira iya kera.

9. Ivyo Kristu yagize kuwa kane mweranda,
yabwirije abiwe kuzokwama babigira
bamwibuka.

11. Ico abakristu bemera,
ni uko umukate uhinduka Umubiri w’Umukama,
umuvinyu na wo ugahinduka Amaraso yiwe.

13. Muri ivyo bishusho bidasa,
ari ibimenyetso gusa atari ivyo bimenyesha,
hihishijemwo amabanga y’agatangaza y’Umukama.

15. Mu kumwakira, ntibamumanyura,
ntibamuvungura, ntibamugabura;
bamwakira wese uko ari.

17. Abeza baramuronka, ababi bakamuronka :
ariko ivyo bahakura ntibisa,
ni ubuzima canke urupfu.

19. Iyo Ihostiya imanyuwe,
ntugire ukwemera guke,
aba wese mu kimanyu
nko muri Hostiya yose.

(Igisomwa kigufi gitangurira aha)

21. Ng’uwo umukate w’abamalayika,
Wabaye imfungurwa y’abakiri ku rugendo;
Ni ukuri, ni umukate ubereye abana,
Atari uwo guterera intozo.

23. Mwungere mwiza, mukate w’ukuri,
Wewe Yezu, tugirire ikigongwe;
n’uduhembure, n’uduhangaze,
maze uduhe kubona ivyiza
mu ntara y’abazima

2. Nk’uko ubishobora, n’abe ariko ubigerageza :
Kuko arengeye amashemezo yose,
Ntuzokwigera ushobora kumushemeza uko bikwiye.4. Ni wo nyene benewabo cumi na babiri bihereje
Hamwe bazimanwa inzimano nyeranda,
nk’uko dusanzwe tubizi.

6. Kuko turamutse twibuka uyu musi w’akaroruhore,
aho izo mfingurwa twihereza
zarenguka ubwa mbere

8. Ivya kera birabishije bishasha,
icijiji kibisa ikiri ukuri,
ahari ijoro hasubiye umurango.

10. Nk’uko twavyigishijwe n’iryo tegeko ryeranda,
duhora duhindura umukate n’umuvinyu
mu nkuka y’ubukiriro.

12. Ico ubwenge budashobora gutegera n’amaso ntakibone,
ukwemera kuragishingira intahe,
n’aho bidahwanye n’uko ibintu vyari bisanzwe.

14. Umubiri wiwe ni imfungurwa,
amaraso yiwe ni inyobwa,
ariko ntikibuza Kristu kuba wese
mu bishusho vyompi.

16. Umwe amuronka uko ashaka,
igihumbi ni kwa kundi,
yamara ntibamumara

18. Bibera urupfu ababi, bikabera ubuzima abeza;
raba nawe ingene mz’isangira rimwe
havuyemwo amaherezo atandukanye.

20. Ntibamumanyura namba,
hamanyuka ibishusho gusa;
na we akaguma kwa kundi,
uko angina n’uko asa.

22. Ng’ibi ivyamuranze kera :
ugutangako inkuka Izahaki,
Umwagazi wa Pasika,
na mana y’abasokuru.

24. Wewe uzi vyose ugashobora vyose
wewe uhembura abaraririye gupfa,
n’uduhe kuba abanywanyi bawe mw’ijuru,
ba samuragwa n’ababanyi
bazokwamana n’aberanda bawe.

Amen. Alleluya.


INKURU NZIZA

Alleluya, alleluya
Umukama yavuze ati : “Jewe ndi wa mukate muzima wavuye mw’ijuru.
Uwuriye uwo mukate azokwamaho imyaka yose.”
Alleluya.

Ivyo dusoma mu Nkuru Nziza yanditswe na Luka (9, 11b-17)

Umukama agaburira ishengero ryiwe

Umusi umwe, Yezu yariko araganirira ishengero ivy’Ubwami bw’Imana, abarwaye barimwo akabakiza. Ngo buze gutangura kugoroba, bamwe cumi na babiri baramwegera, bati : “Erega, gira ubarungike bisuhure, baje gusaba indaro baje n’ukurondera ico bararira mu mihana no mu bigwati vya hafi ; urabona aha turi mu gahinga.”

Yezu na we arababarira ati : “Nimubagaburire namwe!”
Na bo bati : “Imikate dufise ntirenga itanu n’ifi zibiri… Ubona twebwe twoja gusumira iryo shengero ryose?” Na bo abari aho bari abagabo nk’ibihumbi bitanu. Yezu abwira abigishwa biwe ati : “Bicarike ku migwi ya mirongo itan’itanu.”

Ivyo batumwe barabigira, bose baricara. Hanyuma Yezu yakira ya mikate itanu na za fi zibiri, arangamira mw’ijuru, arabihezagira, arabimanyura abihereza abigishwa biwe ngo babigaburire ishengero. Bararya barahaga; imisigazwa na yo barayitororokanya : buzuza ibikemanyi cumi na bibiri.


Voulez-vous soumettre un commentaire?

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

This site uses Akismet to reduce spam. Learn how your comment data is processed.

Quelques données (Diocèse Ngozi)

Ici, données sur le Diocèse de Ngozi

Eglise Cathédrale de Ngozi

%d blogueurs aiment cette page :